The Common Understanding (patois)
A welcome to new borns and other recent arrivals to the planet….
De caman undastandin
a de fund a knowledge
in a weh we bawn ;
From a weh we spring
pan we journey trew
uman conshusness…
De beauty a de caman undastandin
a dat
it put togeda long time
an a som sefless people….
In a dem journey trew human conshusness
plenty people fe get de na cha
a de task weh a face dem, cause it hard…
Dem fe get sey dem deh ya fe learn
an fe ge a lickel supun back…
Cause we a fe get,
plenty a we start tun stupid an craven…
Mine u, it only gwen las fe a lickel wile
Cause people dem ded
and trew dis ack decent
dem lef behine
all weh dem lern an discova
in a dem journey…
The wole a weh we discova,
Weh dem weh still deh pan de journey ca member or recall
a de caman unnastandin…..
The wole a weh we record an rememba
a de descovary a de bes ansa wah we,
fram time can get to de question
“a wah mek we de ya?”
But a de question, no de wole heap a ansa,
weh bring we togeda.
An a dis we gee all a unuh weh de ya todeh.
De wole heap a ansa hav dem own kina prettiness bout dem,
Dough a de question weh bring all a wee togeda.
A de question weh mek we breadren
.
So………………. Mek dat be a lesson to the wole a un noo.
An mek me jus sey,
wid every ting weh de inna me hart
An evry peace a me soul….
(ole out an tek de baby han)
“com join we..”